Hot News

നേര് നേരത്തെ അറിഞ്ഞു..പാലായുടെ അമ്മാവൻ സനാഥനായി 



പാലാ:നേര് നേരത്തേയറിയാൻ വായിക്കുക ദേശാഭിമാനി എന്നുള്ളത് ദേശാഭിമാനി പത്രത്തിന്റെ പരസ്യ വാചകം ആയിരുന്നെങ്കിലും,ദേശാഭിമാനിയിലെ വാർത്ത കണ്ടാണ് പാലായിലെ "അമ്മാവൻ" എന്ന വാസുപിള്ളയ്ക്ക് പുതു ജീവിതം കൈ വന്നത്.

ഇക്കഴിഞ്ഞ പ്രളയത്തിൽ പാലാ പഴയ പ്രൈവറ്റ് ബസ്റ്റാന്റിലും വെള്ളം കയറിയിരുന്നു. കോൺക്രീറ്റ് തൂണുകൾക്കിടയിൽ കൂനിക്കൂടിയിരിക്കുന്ന അമ്മാവന്റെ മെബൈലിൽ എടുത്ത ചിത്രം നവ മാധ്യമങ്ങളിൽ വൈറലാവുകയായിരുന്നു..മണ്ണിലിടമില്ല എന്ന അടിക്കുറിപ്പോടെയാണ്‌ ദേശാഭിമാനി ഇത് വർത്തയാക്കിയത്.ഈ വാർത്ത വായിച്ച കണ്ണൂരിലെ ചെറുപുഴ പാടിയോട്ടുചാലിൽ നിന്നും മകൻ ബാബുവും,ചെറുമക്കളും പാലായിലേക്ക് വരികയും,പാലായിലെ അഗതി മന്ദിരമായ മരിയ സദനത്തിൽ പാർത്തിരുന്ന അച്ഛൻ വാസുപിള്ളയെ കണ്ടു മുട്ടുകയുമാണുണ്ടായത്.

നവ മാധ്യമങ്ങളിലെ ഫോട്ടോ വൈറലായതിനെ തുടർന്ന് സിവിൽ പോലീസ് ഓഫിസറായ ബിനോയ് മാത്യു വിന്റെ ശ്രദ്ധയിൽപ്പെ ടുകയും ബ്രദർ സന്തോഷ് നടത്തുന്ന അഗതി മന്ദിരമായ മരിയ സദനത്തിൽ എത്തിക്കുകയുമായിരുന്നു.

മുപ്പതു വര്ഷം മുൻപ് മുണ്ടക്കയത്ത് നിന്ന് ഭാര്യയും രണ്ടു മക്കളോടുമൊപ്പം കണ്ണൂരിലെ ചെറുപുഴയിലേക്ക് കുടിയേറിയതാണ് മാവുങ്കൽ വാസുപിള്ളയുടെ കുടുംബം.ഭാര്യയുടെ മരണത്തോടെ മാനസീകമായി തളർന്ന വാസുപിള്ള നാടുവിടുകയാണുണ്ടായത്.പാലായിലെത്തിയ വാസുപിള്ള കൂലിവേല ചെയ്തു ജീവിക്കുകയായിരുന്നു.കുറെ കാലമായി ലോട്ടറി വിട്ടു ജീവിച്ച ഇദ്ദേഹത്തെ പാലാക്കാർ അമ്മാവൻ എന്നാണ് വിളിച്ചിരുന്നത്.

നേര് നേരത്തെയല്ല കുറച്ചു താമസിച്ചാണ് അറിഞ്ഞതെങ്കിലും.,ദേശാഭിമാനി പത്രത്തിനും.,ബ്രദർ സന്തോഷ് നടത്തുന്ന മരിയ സദനത്തിനും.,പാലായിലെ പോലീസിനും ,പൗരാവലിക്കും,നവ മാധ്യമ സുഹൃത്തുക്കൾക്കും നന്ദി പറയുകയാണ് വാസുപിള്ളയും.,മകൻ ബാബുവും,ചെറുമക്കളും ഇപ്പോൾ.

പാലാ ഗവർമെന്റ് ആശുപത്രിക്ക് കെ എം മാണിയുടെ പേര് നൽകണം.കുര്യാക്കോസ് പടവൻ 



പാലാ:ഗവർമെന്റ് ആശുപത്രിക്ക് അന്തരിച്ച പാലാ എം എൽ എ കെ എം മാണിയുടെ പേര് നൽകണമെന്ന് പാലാ മുൻസിപ്പൽ വൈസ് ചെയർമാൻ കുര്യക്കോസ് പടവൻ അഭിപ്രായപ്പെട്ടു.കെ എം മാണി യുടെ 2015 -2016 ലെ ആസ്തി വികസന ഫണ്ടിൽ നിന്നും പാലാ ഗവമെന്റ് ആശുപത്രിക്ക് അനുവദിച്ച ആംബുലൻസിന്റെ ഉദ്‌ഘാടന ചടങ്ങിൽ പ്രസംഗിക്കുകയായിരുന്നു പടവൻ.

പാലായിൽ കേരളത്തിനാകെ മാതൃകയായ ഗവർമെന്റ് ആശുപത്രി മന്ദിരം സ്ഥപിക്കുകയും.,അതിനു വേണ്ട എല്ലാ സജ്ജീകരണങ്ങളും നൽകി പാവപ്പെട്ടവരുടെ ആശ്രയമാക്കി മാറ്റുവാൻ കഴിഞ്ഞ മാണി സാറിന്റെ സ്മരണ നില നിർത്താൻ ഏറ്റവും ഉചിതമായ നടപടിയാണ് ഈ ആശുപത്രി സമുച്ചയത്തിന് മാണി സാറിന്റെ പേര് നൽകുകയെന്നത് എന്ന് പടവൻ കൂട്ടിച്ചേർത്തു.

ആശുപത്രിയുടെ ഓരോ വികസനവും സസൂക്ഷ്മം നിരീക്ഷിച്ചു കൊണ്ട് ഇതിന്റെ ഓരോ നിർമാണ ഘട്ടത്തിലും ഇടപെട്ടു നിർദ്ദേശങ്ങൾ തന്ന മാണിസാറിന്റെ വിയോഗം സത്യത്തിൽ ഇവിടുത്തെ പാവപ്പെട്ടവരുടെ ആശ്രയമാണ് ഇല്ലാതായിരിക്കുന്നതെന്നു അദ്ദേഹം പറഞ്ഞു.

പാലായുടെ ആരോഗ്യ സംരക്ഷണത്തിന് കെ എം മാണി ഊന്നൽ കൊടുത്തു.ജോസ് കെ മാണി 





പാലാ:പാലായുടെ ആരോഗ്യ സംരക്ഷണത്തിന് കെ എം മാണി ഊന്നൽ കൊടുത്തതിന്റെ ഫലമാണ് ഇന്ന് ഈ നില യിൽ പാലാ ഗവർമെന്റ് ആശുപത്രി വികസിച്ചതെന്ന് ജോസ് കെ മാണി എം പി അഭിപ്രായപ്പെട്ടു.രാമപുരത്തും.,പൈകയിലും,ഉള്ളനാട്ടിലും ഒക്കെയുള്ള ആശുപത്രികളിൽ വൻ വികസനമാണ് മാണിസാർ നടത്തിയിട്ടുള്ളത്.

പാവപ്പെട്ടവരോടുള്ള കരുതലിന്റെ ഉത്തമ ഉദ്ദാഹരണമായിരുന്നു മാണിസാറിന്റെ കാരുണ്യാ പദ്ധതിയെന്നും അദ്ദേഹം പറഞ്ഞു.കെ എം മാണി എം എൽ എ യുടെ 2015  -2016 ലെ  ആസ്തി വികസന ഫണ്ടിൽ നിന്നും പാലാ ഗവർമെന്റ് ആശുപത്രിക്കു അനുവദിച്ച ആധുനിക സൗകര്യങ്ങളുള്ള ആംബുലൻസ് ന്റെ താക്കോൽ ദാന ചടങ്ങിൽ പ്രസംഗിക്കുകയായിരുന്നു ജോസ് കെ മാണി.

ഗവർമെന്റ് ആശുപത്രി അങ്കണത്തിൽ ചേർന്ന ചടങ്ങിൽ .മുൻസിപ്പൽ ചെയർ പേഴ്‌സൺ ബിജി ജോജോ കുടക്കച്ചിറ അധ്യക്ഷത വഹിച്ചു.കുര്യാക്കോസ് പടവൻ.,സിബിൽ തോമസ്,പ്രൊഫസർ സതീഷ് ചൊള്ളാനി,ഷാർലി മാത്യു,പി കെ ഷാജകുമാർ,സോമശേഖരൻ തച്ചിലേട്ട്,പീറ്റർ മാത്യു പന്തലാനി,അനസ് കണ്ടതിൽ,എന്നിവർ പ്രസംഗിച്ചു.

ഡോക്റ്റർ അഞ്ചു സി മാത്യു സ്വാഗതവും,ഡോക്റ്റർ റെയ്‌സ സെൻ കൃതജ്ഞതയും പറഞ്ഞു.

 ഉരുൾസെൽഫി,ബിഷപ്പിനെയും,കത്തോലിക്കാ സഭയെയും  വെട്ടിലാക്കിയത്  ജോസ് ഗ്രൂപ്പുകാരനായ കെ സി വൈ എം പ്രസിഡണ്ട്.

ഫോട്ടോയിൽ ഇടത്ത് നിന്നും നാലാമത് നിൽക്കുന്നതാണ് കെ സി വൈ എം പ്രസിഡണ്ട് സിറിയക് ചാഴികാടൻ 

തങ്കച്ചൻ പാലാ 

വയനാട്:കേരളമാകെ പ്രളയത്തിൽ അകപ്പെട്ടവരെ രക്ഷിക്കാനായി ഒന്നിച്ചപ്പോൾ അതിലും ചില സ്വാർത്ഥത എന്ന പേരിൽ വയനാട്ടിലെ കവളപ്പാറയിൽ ഉരുൾപൊട്ടിയ സ്ഥലത്തു നിന്ന് ബിഷപ്പും വൈദീകരും സെൽഫിയെടുത്തത് വൻ വിവാദമായിരുന്നു.എന്നാൽ സഭാ പിതാക്കന്മാരെ വെട്ടിലാക്കിയത് കെ സി വൈ എം സംസ്ഥാന പ്രസിഡന്റും ജോസ് വിഭാഗം കേരളാ കോൺഗ്രസിന്റെ നേതാവുമായ സിറിയക് ചാഴികാടനാണെന്ന് റിപ്പോർട്ട് ചെയ്യുന്നു.


ജോസ് വിഭാഗം കേരളാ കോൺഗ്രസിന്റെ വിദ്യാർത്ഥി വിഭാഗമായ കെ എസ് സി യുടെ സംസ്ഥാന ചാർജ് സെക്രെട്ടറിയും,യൂത്ത് ഫ്രണ്ടിന്റെ സംസ്ഥാന സെക്രെട്ടറിയുമായി ഒരേ സമയം പ്രവർത്തിച്ചു വരുമ്പോഴാണ് അപ്രതീക്ഷിതമായി സഭയുടെ യുവജന വിഭാഗമായ കെ സി വൈ എം ന്റെ സംസ്ഥാന പ്രസിഡണ്ട് സ്ഥാനത്ത് അവരോധിതനാവുന്നത്.


കെ സി വൈ എം പ്രസിഡണ്ട് എന്ന നിലയിൽ സഭാ പിതാക്കന്മാരുമായി അടുത്ത ബന്ധമുള്ള ഇയാൾ സഭാ പിതാക്കന്മാരെ മനഃപൂർവം വെട്ടിലാക്കിയതായി കെ സി വൈ എം പ്രവർത്തകർ തന്നെ വേണാട് ന്യൂസിനോട് പറഞ്ഞു.ഇയാൾ തന്നെ ഒരു ഫോട്ടോ ഗ്രാഫറെ ഇടപാടാക്കുക ആയിരുന്നു.അതിൽ ഒരു വൈദീകനെ സെൽഫി എടുക്കാൻ പ്രേരിപ്പിച്ചതും ഇയാൾ തന്നെയെന്ന് പ്രവർത്തകർ പറയുന്നു.ഇത് പകർത്തുവാൻ ഫോട്ടോഗ്രാഫറെ കണ്ണ് കൊണ്ട് ആംഗ്യം കാണിച്ചത് കൊണ്ടാണ് ആ സെൽഫിയുടെ ഫോട്ടോ ഫോട്ടോഗ്രാഫർ എടുത്തത്.


ഉടനെത്തന്നെ ഇയാൾ ഇത് സോഷ്യൽ മീഡിയായിൽ പ്രചരിപ്പിച്ചു.തന്റെ അനുയായികളെ ഇത് പ്രചരിപ്പിക്കുവാൻ ശട്ടം കെട്ടുകയും.,അവർ അത് പ്രചരിപ്പിക്കുകയും ചെയ്തു.എന്നാൽ വിവാദമായപ്പോൾ ആദ്യം ഇയാൾ പറഞ്ഞത് വിവാദമാകട്ടെ എനിക്ക് പ്രശസ്തി കിട്ടട്ടെ എന്നാണു.പക്ഷെ സഭാ പിതാക്കന്മാർ സമൂഹ മധ്യത്തിൽ നാണം കെടുന്നത് ഇയാൾക്ക് തെല്ലും അരോചകമായി തോന്നിയില്ല.പിന്നീട് കെ സി വൈ എം പ്രവർത്തകർ തന്നെ ഇത് സഭയ്ക്ക് എതിരായി ശത്രുക്കൾ ആഘോഷിക്കുന്നു എന്ന് പറഞ്ഞപ്പോഴാണ് സഭ പിതാക്കന്മാർ മേൽപ്പടി കെ സി വൈ എം പ്രസിഡന്റിനെ പ്രതിഷേധം അറിയിച്ചത്.


ആർ എസ് എസ് പോലെയുള്ള സംഘടനകളും.,പെന്തക്കോസ്ത് സഭകളും  ഇത് കത്തോലിക്കാ സഭയ്‌ക്കെതിരെയുള്ള ഒരു ആയുധമായി ഉപയോഗിച്ച് സോഷ്യൽ മീഡിയായിൽ ആർമാദിച്ചിരുന്നു.ഇയാളുടെ ഫേസ്‌ബുക്കിൽ കെ സി വൈ എം പ്രവർത്തകർ പ്രതിഷേധമറിയിച്ചു പൊങ്കാല ഇടാൻ തുടങ്ങിയപ്പോൾ ഇയാൾ തന്റെ മൂന്ന് ഫേസ്‌ബുക്ക് അകൗണ്ടുകളും താൽക്കാലികമായി ഡീആക്റ്റിവേറ്റ് ചെയ്തിരിക്കുകയാണ്.ഫേസ്‌ബുക്കിൽ സേർച്ച് ചെയ്തവർക്ക് ഇങ്ങനെ ഒരു അകൗണ്ട് ലഭിച്ചിട്ടില്ല.


കെ സി വൈ എം ന്റെ വാട്ട്സ്ആപ്പ് ഗ്രൂപ്പുകളിൽ ഈ പ്രസിഡന്റിനെതിരെയുള്ള കഥകൾ പ്രചരിക്കയാണ്.അടുത്ത നിയമസഭാ തെരെഞ്ഞെടുപ്പിൽ കടുത്തുരുത്തിയിൽ താനാണ് യു ഡി എഫ് സ്ഥാനാർഥി എന്നാണ് ഈ ഉഴവൂർ കാരൻ പ്രചരിപ്പിക്കുന്നത്.താൻ പറയുന്നതിന്റെ അപ്പുറം ജോസ് കെ മാണിക്ക് മറ്റൊന്നുമില്ലെന്നും.ജോസ് കെ മാണിക്ക് കേരള യാത്രയിലെ പ്രസംഗം എഴുതി കൊടുത്ത് താനാണെന്നും.ജോസ് കെ മണിക്ക് ഈ പറയുന്ന വിവരമൊന്നും ഇല്ലെന്നും ഇയാൾ കെ സി വൈ എം പ്രവർത്തകരോട് പറയാറുണ്ട്.


അധികാരമൊക്കെ വേണമെങ്കിൽ എന്റെ കൂടെ നിന്നാൽ നിങ്ങൾക്ക് കൊള്ളാം എന്നാണ് ഇയാൾ കെ സി വൈ എം  പ്രവർത്തകരോട് പറയാറുള്ളത്.കണ്ണൂരിൽ ഇയാൾ ഒരു കമ്മിറ്റിയിൽ പങ്കെടുക്കാൻ വന്നപ്പോൾ നേരത്തെ തന്നെ സംഘാടകരോട് വിളിച്ചു പറഞ്ഞിരുന്നു.ഞാൻ കാറിൽ നിന്നിറങ്ങുമ്പോൾ നാല് പേര് എന്നെ സ്വീകരിക്കാനെത്തണം.ഞാൻ പോകുമ്പോഴും നാല് പേര് എന്നെ അനുധാവനം ചെയ്യണം.എന്നൊക്കെ ഇപ്പോൾ ഇതൊക്കെ കെ സി വൈ എം ന്റെ വാട്ട്സ്ആപ്പ് ഗ്രൂപ്പുകളിൽ ഓടി കളിക്കുകയാണ്.


എന്നാൽ സഭ വയനാട്ടിൽ നടത്തിയ കോടികളുടെ പ്രളയ ദുരിതാശ്വാസം ഈ ഒരൊറ്റ സംഭവത്തോടെ ഇല്ലാതാവുകയാണുണ്ടായത്.ഇത് ഫെസ്‌ബുക്കിൽ ശക്തമായി എഴുതിയ ജനാധിപത്യ കേരളാ കോൺഗ്രസ് നേതാവ് മജീഷ് കൊച്ചുമലയെ രാവിലെ ഇയാൾ ഫോണിൽ വിളിച്ച് അനുരഞ്ജനം ആഗ്രഹിച്ചിരുന്നു.കേരളാ കോൺഗ്രസിൽ ഞാനൊന്നുമറിഞ്ഞില്ലേ രാമനാരായണ എന്ന മട്ടിലിരിക്കുകയും കൂടെ നിൽക്കുന്നവരെയെല്ലാം സ്നേഹം നടിച്ചു വെട്ടുകയുമായിരുന്നു ഇയാളുടെ പരിപാടി.ജോസ് കെ മാണിയുടെ ഓഫിസിൽ എപ്പോഴും കാണുന്ന ഈ ഉഴവൂർ ക്കാരൻ ഇപ്പോൾ കത്തോലിക്കാ സഭയെ തന്നെ വെട്ടിലാക്കിയിരിക്കുകയാണ്. 


പ്രളയഭൂമിയിൽ കാരുണ്യത്തിന്റെ സഹായഹസ്തവുമായി എൻ സി പി

എൻ സി പിയുടെ ദുരിതാശ്വാസ വിഭവ സമാഹരണ യജ്ഞം ബാബു ഞെട്ടനെഴുകയിൽ നിന്നും അരി സ്വീകരിച്ചുകൊണ്ട് ലാലിച്ചൻ ജോർജ് നിർവ്വഹിക്കുന്നു. മാണി സി കാപ്പൻ, ബാബു കെ ജോർജ്, സിബി തോട്ടുപുറം തുടങ്ങിയവർ സമീപം


പാലാ:  പ്രളയംമൂലം ദുരിതമനുഭവിക്കുന്നവർക്ക്‌  സഹായഹസ്തവുമായി എൻ സി പി രംഗത്ത്. പാലായിലും പരിസര പ്രദേശങ്ങളിലും ദുരിതമനുഭവിക്കുന്നവരെ സഹായിക്കാനായി എൻ സി പി പാലായിൽ വിഭവ സംഭരണ കേന്ദ്രം തുറന്നു. വസ്ത്രത്രങ്ങൾ, ഭക്ഷൃധാന്യങ്ങൾ മുതലായവയാണ് ഇവിടെ സമാഹരിക്കുന്നത്. സമാഹരിക്കുന്ന ഉത്പന്നങ്ങൾ അർഹതപ്പെട്ടവർക്ക് നേരിൽ എത്തിച്ചു കൊടുക്കുമെന്ന് സമാഹരണ യജ്ഞത്തിനു നേതൃത്വം നൽകുന്ന എൻ സി പി നേതാവ് മാണി സി കാപ്പൻ പറഞ്ഞു.

വിഭവ സമാഹരണം സി പി എം ജില്ലാ സെക്രട്ടറിയേറ്റ് അംഗം ലാലിച്ചൻ ജോർജ് ഉദ്ഘാടനം ചെയ്തു. ബാബു ഞെട്ടനൊഴുകയിൽനിന്നും അരി ചാക്കുകൾ ഏറ്റുവാങ്ങിയാണ് ഉദ്ഘാടനം നിർവ്വഹിച്ചത്.സംസ്ഥാന സർക്കാർ ഈ പ്രളയത്തിൽ മാതൃകാപരമായ സേവനം കാഴ്ച വച്ചപ്പോൾ എൻ സി പി പാലാ ഘടകവും ഈ പ്രദേശങ്ങളിലെ ജനങ്ങൾക്കായി അരിയടക്കമുള്ള സാധന സാമഗ്രികൾ വിതരണം ചെയ്യുന്നത് മാതൃകാപരമാണെന്ന് ലാലിച്ചൻ ജോർജ് അഭിപ്രായപ്പെട്ടു.

എൻ സി പി ബ്ലോക്ക് പ്രസിഡന്റ് ജോഷി പുതുമന അധ്യക്ഷത വഹിച്ചു. മാണി സി കാപ്പൻ, ബാബു കെ. ജോർജ്, സിബി തോട്ടുപുറം, പ്രൊഫ. ഷാജി കടമല, ആർ ടി മധുസൂദനൻ, അഡ്വ. വി എൽ സെബാസ്റ്റ്യൻ, അഡ്വ. തോമസ് വി റ്റി, കാണക്കാരി അരവിന്ദാക്ഷൻ, ബെന്നി മൈലാടൂർ, എം പി കൃഷ്ണൻനായർ, ഡോക്ടർ തോമസ് എം കാപ്പൻ,ക്ലീറ്റസ് ഇഞ്ചിപറമ്പിൽ, പി എൽ എബ്രാഹം, എം ആർ. രാജു, താഹ തലനാട്, ഞീഴൂർ വേണുഗോപാൽ, എം സി കുര്യാക്കോസ്, സി എ താഹ, സാജു എം ഫിലിപ്പ്, യു ഡി മത്തായി, എം എൻ നാരായണൻ നായർ, ടോം നല്ലനിരപ്പേൽ, റോയി നാടുകാണി ,അപ്പച്ചൻ ചെമ്പൻകുളം,മാർട്ടിൻ മിറ്റത്താനി, എന്നിവർ പ്രസംഗിച്ചു

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.