Hot News

വിദ്യാഭ്യാസമില്ലാത്തവർ മന്ത്രിമാരാവുന്ന കാലത്ത് സിവിൽ സർവ്വീസ് കാർ കരുതിയിരിക്കണമെന്ന് പി.സി ജോർജ്



പാലാ: വിദ്യാഭ്യാസമില്ലാത്തവർ പോലും മന്ത്രിമാരാവുന്ന ഇക്കാലത്ത് വിദ്യാഭ്യാസമുള്ള സിവിൽ സർവീസ് കാർ കരുതിയിരിക്കണമെന്ന് പി.സി ജോർജ് എം.എൽ.എ അഭിപ്രായപ്പെട്ടു.

ഐ എ എസ്., ഐ.പി.എസ് കാർ ഉയർന്ന സ്ഥാനങ്ങളിലേക്ക് നിയമിതരാവുമ്പോൾ സമൂഹത്തോടുള്ള ബാധ്യത മറന്നു പോകരുതെന്നും അദ്ദേഹം പറഞ്ഞു. പാലാ സിവിൽ സർവ്വീസ് ഇൻസ്റ്റിറ്റ്യൂട്ടിൽ നിന്നും പ്രശസ്ത വിജയം നേടിയവരെ ആദരിക്കുന്ന ചടങ്ങിൽ സംസാരിക്കുകയായിരുന്നു പി.സി ജോർജ്.

 നിങ്ങടെ മുമ്പിൽ എത്തുന്ന ഫയലുകൾ കൃത്യമായി പഠിച്ചു കാര്യങ്ങൾ നടപ്പിലാക്കണം. പാവപ്പെട്ട ജനവിഭാഗങ്ങളുടെ ഉന്നമനത്തിനായി നിങ്ങളുടെ സ്ഥാനമാനങ്ങൾ ഉപയോഗിക്കണമെന്നും, വിദ്യാഭ്യാസത്തിനുസരിച്ചുള്ള ശമ്പളം സർക്കാർ അവർക്ക് ലഭ്യമാക്കണമെന്നും പി.സി ജോർജ് അഭിപ്രായപ്പെട്ടു.

ചടങ്ങിൽ സഭാപിതാക്കൻമാർക്കൊപ്പം തിരുവഞ്ചൂർ രാധാകൃഷ്ണൻ എം.എൽ.എ, സുരേഷ് കുറുപ്പ് എം.എൽ.എ എന്നിവർ പങ്കെടുത്തു.

തന്ത്രപരമായി ജോസഫിന്റെ നീക്കം. ജോസിനെ ചെയർമാനാക്കിയതിന് സ്റ്റേ.



കോട്ടയം: കേരളാ കോൺഗ്രസ് പിളർന്ന് ജോസ് കെ മാണിയെ ചെയർമാനാക്കിയ നടപടിക്ക് തൊടുപുഴ മുൻസിഫ് കോടതിയുടെ സ്റ്റേ.രഹസ്യ നീക്കത്തിലൂടെയാണ് ജോസഫ് വിഭാഗം സ്റ്റേ വാങ്ങിയത്.

ഇന്നലെ കോട്ടയത്ത് ചേർന്ന യോഗം ജോസ് കെ മാണിയെ തെരെഞ്ഞെടുത്തതിനെ ഭരണഘടനാ വിരുദ്ധമെന്നാണ് പി.ജെ ജോസഫ് വിശേഷിപ്പിച്ചത്.എന്നാൽ മറുവിഭാഗമാകട്ടെ സംസ്ഥാന കമ്മിറ്റി ഓഫീസിലെത്തി ചെയർമാന്റെ കസേരയിൽ ജോസിനെ വാഴിക്കുകയും., സൈക്കിൾ എറിഞ്ഞുടയ്ക്കുകയും ചെയ്തിരുന്നു.

 ഇന്ന് രാവിലെയും റോഷി അഗസ്റ്റിൻ എം എൽ എ മാധ്യമങ്ങളോട് .ചെയർമാന്റെ കാര്യത്തിലെ ഞങ്ങൾക്ക് അഭിപ്രായ വ്യത്യാസമുള്ളൂ.ആ ചെയർമാനെ ഞങ്ങൾ തെരെഞ്ഞെടുത്തു.ജോസഫ് പാർലമെന്ററി പാർട്ടി ലീഡറായി ഇരുന്നോട്ടെ എന്ന് പരിഹസിച്ചിരുന്നു.

ഇപ്പോൾ ലഭിച്ച ഈ സ്റ്റേ മൂലം ചെയർമാന്റെ അധികാരം ജോസിന് ഉപയോഗിക്കുവാൻ സാധ്യമല്ല. തെരെഞ്ഞെടുപ്പ് കമ്മീഷനുമായി എഴുത്തുകുത്തുകൾ നടത്തുവാനോ ,പ്രവർത്തകർക്കെതിരെ അച്ചടക്ക നടപടി സ്വീകരിക്കുവാനോ ജോസ് കെ മാണിക്ക് ഇനിമേൽ കഴിയില്ല.


ജോസഫ് വിഭാഗം അതീവ രഹസ്യമായാണ് സ്റ്റേ വാങ്ങാൻ നീക്കം ആരംഭിച്ചത്. എതിർവിഭാഗം മനസിലാക്കിയിരുന്നെങ്കിൽ അവരുടെ വാദമുഖങ്ങളും കേട്ട് മാത്രമെ കോടതി സ്റ്റേ അനുവദിക്കുമായിരുന്നുള്ളൂ.ജോസഫ് വിഭാഗം സംസ്ഥാന കമ്മിറ്റി അംഗങ്ങളായ ഫിലിഫ് സ്റ്റീഫൻ ചേരിയിൽ.,മനോഹഹരൻ  നടുവിലേടത്ത് എന്നീ നേതാക്കളാണ് തൊടുപുഴ കോടതിയിൽ ചെയർമാൻ തെരെഞ്ഞെടുപ്പ് സംബന്ധിച്ച് ഹർജി നൽകിയത്.

ജോസ് വിഭാഗം ഡൽഹിയിലുള്ള സീനിയർ വക്കീലിന്റെ ഉപദേശപ്രകാരമാണ് കഴിഞ്ഞ ദിവസം ചെയർമാൻ തെരെഞ്ഞെടുപ്പ് നടത്തിയതെങ്കിലും തൊടുപുഴയിലെ നിയമോപദേശകരുടെ പിന്തുണയോടെയാണ് ജോസഫ് വിഭാഗം ഉരുളയ്ക്കുപ്പേരി പോലെ സ്റ്റേ അനുവദിപ്പിച്ചത്.

പിളർപ്പിൽ ജോസ് ഗ്രൂപ്പിൽ നിൽക്കാത്തതിന് മുൻസിപ്പൽ കൗൺസിലർക്കു വധഭീഷണി 

കേരളാ കോൺഗ്രസ് എം ലെ പിളർപ്പിൽ ജോസ് ഗ്രൂപ്പിൽ നിൽക്കാത്തതിന്റെ പേരിൽ പാലാ മുൻസിപ്പൽ കൗൺസിലർ ടോണി തോട്ടത്തിനെതിരെ വധഭീഷണിയും.,ചീത്ത വിളിയും.ഇന്ന് വെളുപ്പിനാണ് ഫോൺ സന്ദേശം എത്തിയത്.ഏഴ് ദിവസത്തിനകം ടോണിയെ വധിക്കുമെന്നാണ് ഭീഷണി.പോലീസ് കേസെടുത്ത്‌ അന്വേഷണം ആരംഭിച്ചിട്ടുണ്ട്.

   ഇന്ന് (17 - 6-19 വെള്ളി) വെളുപ്പിന് 3 മണിക്ക് അജ്ഞാതതനായ ഒരാൾ കേരളാ കോൺഗ്രസ് (എം ) പാലാ മുനിസിപ്പൽ കൗൺസിലറായ ടോണി തോട്ടത്തിന്റെ ഫോണിൽ വിളിച്ച് വധഭീഷണി മുഴക്കിയത്.നഗരസഭാ വൈസ് ചെയർമാൻ കുര്യാക്കോസ് പടവനുമായുള്ള ബന്ധം പ റഞ്ഞാണ് ഭീഷണി ആരംഭിച്ചത്.കൂടാതെ ടോണിയുടെ മരിച്ചു പോയ അമ്മയേയും ഭാര്യയേയും  പറ്റി വളരെ വൃത്തികെട്ട രീതിയിലുള്ള പരാമർശവും വെല്ലുവിളിയും അയാൾ നടത്തുകയുണ്ടായി. 7 ദിവസത്തിനുള്ളിൽ തന്നെ വധിക്കുമെന്നാണ് വിളിച്ച വ്യക്തിയുടെ ഭീഷണിയെന്ന് ടോണി വെളിപ്പെടുത്തുന്നു. കുട്ടികളെ സ്കൂളിൽ വിടുന്നതുമായി ബന്ധപ്പെട്ടും വിളിച്ച വ്യക്തി പരാമർശിച്ചു.

യശ്ശശരീരനായ ബിഷപ്പ്  സെബാസ്റ്റ്യൻ വയലിൽ പിതാവിന്റെ സഹോദരി പുത്രനായ ടോണിയുടെ പിതാവ് തോട്ടത്തിൽ മാണിച്ചേട്ടന്റെ കുടുംബവുമായി മാണി സാറിന് ഉള്ള  ബന്ധം വളരെ വലുതായിരുന്നു. വിളിച്ച വ്യക്തി ടോണിയെ വാക്കുകൾ കൊണ്ട് ബോധപൂർവ്വം പ്രകോപിപ്പിച്ചപ്പോൾ പാലാക്കാരനായ തനിക്ക് തിരികെ അതേ ഭാഷയിൽ തന്നെ തനിക്ക് മറുപടി പറയേണ്ടി വന്നെന്നും ടോണി പറയുന്നു.

  വിളിച്ച വ്യക്തി ജോസ് k മാണിയാണ് നിന്നെ ആളാക്കിയത് എന്നും നിഷ ജോസ് കെ  മാണിയെ പരാമർശിക്കുകയും ചെയ്തുവെന്നും ടോണി പറയുന്നു.
ഫോൺ സംഭാഷണത്തിലെ തന്റെ ഭാഗങ്ങൾ സോഷ്യൽ മീഡിയായിലൂടെ വിടുമെന്ന ഭിഷണിയും ഇയാൾ മുഴക്കി.എന്നാൽ തന്റെ കൈവശം വിളിച്ച ഫോണിന്റെ മുഴുവൻ റിക്കാർഡിംഗും ഉണ്ടെന്നും ആവശ്യം വന്നാൽ ആയത് പുറത്ത് വിടുമെന്നും ടോണി പറയുന്നു.

 ഒടുവിൽ ഇത്തരം ഭീഷണികൾക്ക് മുന്നിൽ ഓടിയൊളിക്കുന്ന ഭീരുവല്ല താനെന്നും ധീരൻമാർക്ക് ഒരു മരണമേ ഉള്ളുവെന്നും    പറഞ്ഞ് കൗൺസിലർ ടോണി ഫോൺ കട്ടാക്കുകയായിരുന്നു.

കേരളാ കോൺഗ്രസിലെ പിളർപ്പിനെ ദൂരെ നിന്ന് നോക്കിക്കാണുകയല്ലാതെ ഒരു നിലപാടും സ്വീകരിക്കാൻ ഉദ്യേശിക്കാത്തവരെ എങ്ങനെയും വിരോധികളാക്കി മാറ്റാൻ ഇത്തരം സംഭവങ്ങൾ ഉപകാരപ്പെടുമെന്നും ടോണി പറയുന്നു.പാലായിൽ കെ എം മാണിസാറിനെക്കൊണ്ട് ആളായ ഒട്ടനവധി നേതാക്കളുണ്ട്.പക്ഷെ കെ എം മാണിയെ പാലായിലെ തെരുവുകളിൽ പരസ്യമായി ചീത്ത വിളിക്കുന്നത് ഒരു പ്രവണതയായി വളർന്നപ്പോൾ നേതാക്കൾ നോക്ക് കുത്തിയായി നിൽക്കുമ്പോഴും താൻ മുൻകൈ എടുത്താണ് ആ പ്രവണതയെ ഇല്ലാതാക്കിയതെന്ന് ടോണി തോട്ടം വേണാട് ന്യൂസിനോട് പറഞ്ഞു.

നിഷാ ജോസ് കെ മാണി തന്റെ  സ്ത്രീത്വത്തെ അപമാനിച്ചു എന്നാരോപിച്ചു പൊതുപ്രവർത്തകർക്കെതിരെ കേസുമായി കോടതി കയറുമ്പോൾ  തന്റെ അമ്മയെയും.,ഭാര്യയെയും ആക്ഷേപിക്കുന്നതിലെ വൈരുദ്ധ്യം ടോണി ചോദ്യം ചെയ്യുന്നു.ഈ വധ ഭീഷണിയെ താൻ ധൈര്യ പൂർവം നേരിടുമെന്നും.,കെ എം മാണി ഉണ്ടായിരുന്നെങ്കിൽ ഇങ്ങനെയുള്ള സൈബർ ഭീഷണികളെ പ്രോത്സാഹിപ്പിക്കുമായിരുന്നില്ലെന്നും  ടോണി  വേണാട് ന്യൂസിനോട് പറഞ്ഞു.

യൂത്ത്ഫ്രണ്ട് സംസ്ഥാന കമ്മിറ്റിയിൽ ഇരു ചേരിയും പ്രമേയം അവതരിപ്പിച്ചു പിരിഞ്ഞു.



പാലാ: കേരളാ കോൺഗ്രസ് പിളർപ്പിന്റെ വക്കിലെത്തി നിൽക്കെ പാലായിൽ ചേർന്ന യൂത്ത് ഫ്രണ്ട് സംസ്ഥാന കമ്മിറ്റി യോഗത്തിൽ ജോസ് വിഭാഗവും, ജോസഫ് വിഭാഗവും പ്രമേയം പ്രസിഡന്റിന് എഴുതി കൊടുത്തു. പാർട്ടി നേതൃത്വത്തെ പ്രമേയ വിവരം അറിയിക്കാമെന്ന് സംസ്ഥാന പ്രസിഡന്റ് ഇരു വിഭാഗത്തേയും അറിയിച്ചിട്ടുണ്ട്.
പി ജെ ജോസഫ്  പക്ഷം യൂത്ത്‌ ഫ്രണ്ട് സംസ്ഥാന കമ്മിറ്റിയിൽ അവതരിപ്പിച്ച പ്രമേയം 

പാർട്ടിയിൽ ഇരു വിഭാഗവും വാളോങ്ങി നിൽക്കുന്ന ഘട്ടത്തിലാണ് പാലായിൽ യൂത്ത് ഫ്രണ്ടിന്റെ സംസ്ഥാന കമ്മിറ്റി മിൽക്ക് ബാർ ആഡിറ്റോറിയത്തിൽ വിളിച്ചു ചേർത്തത്.

പി.ജെ ജോസഫിനെ വിളിച്ചിരുന്നില്ലെങ്കിലും, ജോസ് കെ മാണിയെ ആയിരുന്നു സംഘാടകർ ഉദ്ഘാടകനായി നിശ്ചയിച്ചിരുന്നത്. എന്നാൽ ജോസ് കെ മാണിയെ ഈ യോഗത്തിൽ പങ്കെടുപ്പിക്കാതിരിക്കുകയും, ഒരു വിഭാഗം നേതാക്കൾ ജോസ് കെ മാണിയെ പാർട്ടി ചെയർമാൻ ആക്കണമെന്ന് ആവശ്യപ്പെടുകയുമാണുണ്ടായത്.ജിൽസ് പെരിയപുറം പ്രമേയമായി എഴുതി സംസ്ഥാന പ്രസിഡന്റ് സജി മഞ്ഞക്കടമ്പിലിനെ ഏൽപ്പിച്ചു.
ജോസ് പക്ഷം യൂത്ത്‌ ഫ്രണ്ട് സംസ്ഥാന കമ്മിറ്റിയിൽ അവതരിപ്പിച്ച പ്രമേയം 

ഉടനെ തന്നെ ജെയ്സൺ ഏറ്റുമാനൂർ സമവായത്തിലൂടെ പാർട്ടി ചെയർമാനെ തെരെഞ്ഞെടുക്കണമെന്ന് ആവശ്യപ്പെട്ട് പ്രമേയമായി പ്രസിഡൻറിനെ ഏൽപ്പിച്ചു.രണ്ട് പ്രമേയങ്ങളും പാർട്ടി നേതൃത്വത്തെ ഏൽപ്പിക്കുമെന്ന് സജിയും, മോനിച്ചനും യോഗത്തെ അറിയിക്കുകയും ചെയ്തു.

യോഗം ഉദ്ഘാടനം ചെയ്ത പാർട്ടി സംസ്ഥാന സെക്രട്ടറി ജോസ് ടോം പറഞ്ഞത് ഈ സംസ്ഥാന കമ്മിറ്റി വിളിച്ചത് യൂത്ത് ഫ്രണ്ടിന്റെ ജന്മദിനാഘോഷം വിജയിപ്പിക്കുന്നതിനെ കുറിച്ച് ആലോചിക്കാനാണ്. മറ്റൊന്നിനും ഈ കമ്മിറ്റിയിൽ പ്രസക്തിയില്ല എന്നായിരുന്നു.

ജോസ് വിഭാഗം യൂത്ത്ഫ്രണ്ട് നേതാക്കൾ ജോസിനെ ചെയർമാനാക്കണം എന്ന് യൂത്ത്ഫ്രണ്ട് സംസ്ഥാന കമ്മിറ്റി ഐക്യകണ്ഠ്യേന പ്രമേയം പാസാക്കി എന്ന് നവമാധ്യമങ്ങളിലൂടെയും, ചില ഓൺലൈൻ പത്രങ്ങളിലൂടെയും പ്രചരിപ്പിക്കുന്നുണ്ട്.

അതിരുകളില്ലാത്ത വിദ്യാഭ്യാസ ആകാശത്തിലേക്ക് സാമൂഹ്യ പ്രതിബദ്ധതയോടെ വിദ്യാർഥികൾ കുതിക്കണം പി ജെ ജോസഫ്.



തൊടുപുഴ:അതിരുകളില്ലാത്ത വിദ്യാഭ്യാസമാകുന്ന ആകാശത്തിലേക്ക് സാമൂഹ്യ പ്രതിബദ്ധതയോടെ വിദ്യാർഥികൾ കുതിച്ചുയരണമെന്ന് പി ജെ ജോസഫ് എം എൽ എ അഭിപ്രായപ്പെട്ടു.തൊടുപുഴ നിയോജക മണ്ഡലത്തിൽ നിന്നും എസ് എസ് എൽ സി ക്കും.,പ്ലസ് ടൂ വിനും എല്ലാ വിഷയങ്ങൾക്കും എ പ്ലസ് കരസ്ഥമാക്കിയ വിദ്യാർത്ഥികളെ  ആദരിക്കുന്നതിനായി  ഗാന്ധിജി സ്റ്റഡി സെന്റർ ന്റെ ആഭിമുഖ്യത്തിൽ നടത്തിയ പ്രതിഭാ സംഗമം ഉദ്‌ഘാടനം ചെയ്തു കൊണ്ട് സംസാരിക്കുകയായിരുന്നു പി ജെ ജോസഫ്.

ഞാൻ ഈ അടുത്ത കാലത്തായി ദുബായിൽ ഒരു വിദ്യാഭ്യാസ കൺവൻഷനിൽ പങ്കെടുക്കുകയുണ്ടായി.അവിടെ ഉരുത്തിരിഞ്ഞ നിർദേശങ്ങളും.,അഭിപ്രായങ്ങളുമൊക്കെ കേരളത്തിലെ യുവതി യുവാക്കൾക്കെല്ലാം തൊഴിൽ ലഭിക്കുന്നതിന് പര്യാപ്തമായവയാണ്.

അതുപോലെ വിദേശ ഭാഷ പഠിക്കുന്നത് ലോകമാകെയുള്ള തൊഴിൽ സാധ്യതയാണ് കേരളീയർക്കായി തുറന്നിടുന്നത്.ഇംഗ്‌ളീഷ്‌ മാത്രമല്ല സ്പാനീഷ്.,ജർമൻ.,ഫ്രഞ്ച് തുടങ്ങിയ വിദേശ ഭാഷകൾ പഠിച്ചെന്നാൽ വലിയൊരു തൊഴിൽ സാധ്യതാ മേഖലയാണ് കേരളീയർക്കായി തുറന്നു കിട്ടുന്നത്.അതുകൊണ്ടു തന്നെ വിദേശ ഭാഷ പഠിപ്പിക്കുന്ന ഇൻസ്റ്റിറ്റ്യൂട്ട് നമുക്ക് ഉണ്ടാക്കുവാൻ ശ്രമിക്കേണ്ടതാണ്.ഇടുക്കി ജില്ലാ പഞ്ചായത്തിന്റെയൊക്കെ സത്വര ശ്രദ്ധ പതിയേണ്ട മേഖലയാണിത്.

വിദ്യാർഥികൾ സാമൂഹ്യ പ്രതിബദ്ധതയോടുകൂടിയ പഠനമാണ് സ്വായത്തമാക്കേണ്ടത്.പരാജയങ്ങളെ വിജയമാക്കി മാറ്റി കൊണ്ട് കഠിന പരിശ്രമത്തോടുകൂടി ജീവിത വിജയം കരഗതമാക്കണമെന്നും അദ്ദേഹം വിദ്യാർത്ഥികളെ ഉത്‌ബോധിപ്പിച്ചു.

പി ജെ ജോസഫ് പ്രസംഗിച്ചു കൊണ്ടിരിക്കുമ്പോൾ സമ്മേളന ഹാളിലേക്ക് കടന്നു വന്ന ഇടുക്കിയുടെ എം പി ഡീൻ കുര്യാക്കോസിനെ നിറഞ്ഞ കൈയ്യടിയോടെയാണ് വിദ്യാർഥികൾ സ്വീകരിച്ചത്.പി ജെ ജോസഫ് ആശ്ലേഷിച്ചു സ്വീകരിച്ചു.തുടർന്ന് ഒരു ലഡ്ഡു എടുത്തു ഡീനിന്റെ വായിലേക്ക് വച്ച് കൊടുത്തു.ഡീൻ തിരിച്ചു പി ജെ ജോസഫിനും ലഡ്ഡു കൊടുത്ത്ത് കാണികളിൽ ആവേശം വിതറി.

മുഴുവൻ മാർക്കും വാങ്ങിയ നമിത എം ശർമ്മ.,കൃഷ്ണ രാജേഷ്.,അഭിഷേക് സിബി തുണ്ടിയിൽ.,അഷ്‌ക്കർ പി അനസ്.,ദേവിക കെ എസ് എന്നിവർക്ക് ലാപ് ടോപ് നൽകിയാണ് ഗാന്ധിജി സ്റ്റഡി സെന്റർ ആദരിച്ചത്.ചുങ്കം സെന്റ് മേരീസ് പള്ളി പാരീഷ് ഹാളിൽ നടന്ന പ്രതിഭ സംഗമത്തിൽ ഇടുക്കി എം പി ഡീൻ കുര്യാക്കോസ് തൊടുപുഴ മുൻസിപ്പൽ ചെയർപേഴ്‌സൺ പ്രൊഫസർ ജെസ്സി ആന്റണി.,പ്രൊഫസർ എം ജെ ജേക്കബ്ബ്.,ഫാദർ സുനിൽ പാറയ്ക്കൽ.,അഡ്വ ജോസഫ് ജോൺ.,അഡ്വ ജോസി ജേക്കബ്ബ്.,മത്തച്ചൻ പുരയ്‌ക്കൽ എന്നിവർ പ്രസംഗിച്ചു.

കേരളത്തിൽ ഇദംപ്രഥമമായി എസ് എസ് എൽ സി.,പ്ലസ് ടൂ വിദ്യാർത്ഥികളെ ആദരിക്കുന്ന പ്രതിഭ സംഗമം തുടങ്ങിവച്ചത് തൊടുപുഴയിലെ ഗാന്ധിജി സ്റ്റഡി സെന്ററാണ്.ഇതിന്റെ വർത്തമാന കാല പ്രസക്തി കണ്ടിട്ടാണ് ഇന്ന് കേരളമാകെ ഇതേ മാതൃകയിൽ ചടങ്ങുകൾ സംഘടിപ്പിക്കുന്നത്.

ജോസ് പക്ഷത്തെ രണ്ട് ജില്ലാ പ്രസിഡന്റ് മാർ ജോസഫ് പക്ഷത്ത്



കോട്ടയം: കേരളാ കോൺഗ്രസ് (എം) ലെ ചേരിതിരിവിൽ ജോസ് പക്ഷം പത്ത് ജില്ലാ പ്രസിഡന്റ് മാരുടെ മൃഗീയ ഭൂരിപക്ഷ കണക്ക് ഉയർത്തി കാണിക്കവെ തിരുവനന്തപുരം ,കൊല്ലം ജില്ലാ പ്രസിഡന്റ് മാർ ജോസഫ് പക്ഷത്തേക്ക് നീങ്ങിയത് ജോസ് പക്ഷത്തിന് തിരിച്ചടിയായി.ഇപ്പോഴത്തെ കണക്കനുസരിച്ചു ജോസ് പക്ഷത്തിന് എട്ടും ജോസഫ് പക്ഷത്തിനു ആറും എന്നനിലയിലായി.ഒരു ജില്ലാ പ്രസിഡന്റും കൂടി മറിഞ്ഞാൽ ഏഴു വീതം ജില്ലാ പ്രസിഡന്റുമാരായി  തുല്യ നിലയിൽ ഇരു പക്ഷവുമെത്തും.

ആദ്യം ജോസ് പക്ഷം പാലാ വീട്ടിൽ വിളിച്ചു ചേർത്ത ജില്ലാ പ്രസിഡന്റ് മാരുടെ യോഗത്തിൽ ജോസഫ് പക്ഷത്തെ 4 ജില്ലാ പ്രസിഡൻറ് മാർ ഒഴിച്ച് ബാക്കി പത്ത് പേരും പങ്കെടുത്തിരുന്നു. മാധ്യമങ്ങളോട് മൃഗീയ ഭൂരിപക്ഷമാണ് തങ്ങൾക്കെന്ന് ഉദാഹരണ സഹിതം കാട്ടികൊടുക്കുകയും ചെയ്തിരുന്നു.

എന്നാൽ കഴിഞ്ഞ ദിവസം ഐകൃദാർഢ്യ പ്രഖ്യാപന ഗ്രൂപ്പ് യോഗത്തിൽ തിരുവനന്തപുരം ജില്ലാ പ്രസിഡന്റ് കൊട്ടാരക്കര പൊന്നച്ചനും, കൊല്ലം ജില്ലാ പ്രസിഡന്റ് അറയ്ക്കൽ ബാലകൃഷ്ണ പിള്ളയും പങ്കെടുത്തിരുന്നില്ല. ഇവർ ജോസഫ് പക്ഷവുമായി നിരന്തരം ബന്ധം പുലർത്തി വരികയുമാണ്.

ഏതാനും മാസം മുമ്പ് തിരുവനന്തപുരം ജില്ലാ കമ്മിറ്റിയിൽ കൊട്ടാരക്കര പൊന്നച്ചൻ പ്രസിഡന്റ് സ്ഥാനം രാജിവയ്ക്കണമെന്ന് ആവശ്യപ്പെട്ട് ജോസ് സംവിധായകനായി ഉന്തും തള്ളും നടന്നിരുന്നു. ജോസിന്റെ തിരുവനന്തപുരത്തെ വലം കൈകളായ സി.ആർ സുനു, സഹായ ദാസ് നാടാർ എന്നിവരെ കൊണ്ടാണ് ജില്ലാ കമ്മിറ്റിയിൽ ഉന്തും തള്ളും, മുദ്രാവാക്യം വിളിയും ജോസ് സ്പോൺസർ ചെയ്തിരുന്നത്.

എന്നാൽ ഈ നാടകം കളി അന്നെ ജില്ലാ പ്രസിഡന്റ് കൊട്ടാരക്കര പൊന്നച്ചന് മനസിലായിരുന്നു. ഉന്തും തള്ളും മൂക്കുമ്പോൾ കൃത്യമായ ഇടവേളകളിൽ ജോസ് വന്ന് തടസം പിടിക്കുന്നതായി ഭാവിക്കുകയും ചെയ്തിരുന്നു.

കൊല്ലം ജില്ലാ പ്രസിഡന്റായ അറയ്ക്കൽ ബാലകൃഷ്ണ പിള്ളയുടെ മേൽ അഴിമതി ആരോപണങ്ങളുടെ പുകമറ എതിരാളികൾക്ക് പോലും ഉയർത്തി കാട്ടാനാവില്ല. ഹൗസിംഗ് ബോർഡ് ചെയർമാൻ ആയിരിക്കെ നഷ്ടത്തിൽ പോയ ആ സ്ഥാപനം ലാഭത്തിലേക്കു് ഉയർത്തിയെന്ന ഖ്യാതിയും ഇദ്ദേഹത്തിനുണ്ട്. മുൻ പ്രസിഡൻറ് ബെന്നി കക്കാടിനെയും.,ആയൂർ ബിജുവിനെയും  ഉയർത്തുവാൻ ജോസ് തീരുമാനിച്ചത് അസ്വാരസ്യത്തിന് കാരണമായതെന്ന് അറിയുന്നു.

ജോസ് പക്ഷത്ത് നിന്നും സി.എഫ് തോമസ് എം.എൽ.എ പോന്നത് ജോസഫ് വിഭാഗത്തിന് പാർലമെൻറി പാർട്ടിയിൽ മേൽക്കൈ നേടുവാൻ ഉപകരിച്ചിരുന്നു.എന്നാൽ സി  എഫ് തോമസിനെ തിരിച്ചു പിടിക്കാൻ ആവുന്നതെല്ലാം ജോസ് ചെയ്തുകൊണ്ടാണിരിക്കുന്നത്.ചങ്ങനാശേരി മെത്രാനെ ഉപയോഗിച്ച് സി എഫിൽ സമ്മര്ദ്ദം പ്രയോഗിക്കാൻ നോക്കിയെങ്കിലും ആദ്യമേ തന്നെ ഇത്തരം വൃത്തികെട്ട ഇടപാടിന് തന്നെ കിട്ടില്ലെന്ന്‌ മെത്രാൻ അർത്ഥശങ്കയ്ക്കു ഇടയില്ലാത്ത വിധം ജോസ് പക്ഷത്തെ ധരിപ്പിച്ചിരുന്നു.ഇന്നലെ വൈകിട്ടും സി എഫ് തോമസിനെ മെരുക്കാനുള്ള വഴികൾ ചങ്ങനാശേരി ടി ബി യിൽ ഇരുന്നു ചർച്ച ചെയ്തിരുന്നു ജോസും കൂട്ടരും.

 പാർട്ടിയുടെ ചാർജ് സെക്രട്ടറിയായ ജോയി അബ്രാഹം ജോസഫ് പക്ഷത്തോട് കൂറ് പ്രഖ്യാപിച്ചത് ജോസ് പക്ഷത്തിന്റെ അടിത്തറ ഇളക്കുകയും ചെയ്തിരുന്നു.അതു കൊണ്ട് തന്നെ ജോയി അബ്റാഹത്തിന്റെ കോലം കത്തിക്കാൻ ജോസ് തന്നെ പാലായിലെ തന്റെ അനുയായിക്കു് നേരിട്ട് നിർദ്ദേശം നൽകുകയായിരുന്നു.പോരുകോഴി പോലെ ജോസഫ് വിഭാഗം ഇടുക്കിയിലെ ചെറുതോണിയിൽ റോഷി അഗസ്ത്യന്റെ കോലം കത്തിച്ച് മണിക്കൂറുകൾക്കകം മറുപടി കൊടുത്തു.

പിറ്റേന്ന് കടുത്തുരുത്തിയിൽ മോൻസ് ജോസഫിന്റെ കോലം ജോസ് വിഭാഗം കത്തിക്കുകയും അതിന് ബദലായി റോഷിയുടെയും, ജോസിന്റെയും കോലം ജോസഫ് വിഭാഗം കടുത്തുരുത്തിയിൽ കത്തിച്ചിരുന്നു.

 ചെല്ലുന്നതിനെയെല്ലാം തെക്കോട്ടെടുക്കുന്ന സ്വന്തം സ്വഭാവം വീട്ടുപേരിൽ ഒളിപ്പിച്ചു് വച്ചിട്ടുള്ള ജോസ് വിഭാഗം കോട്ടയം ജില്ലാ പ്രസിഡന്റ് തലേ ദിവസം മുതൽ ഫോൺ വിളിച്ച് ആളെ കൂട്ടിയാണ് കോട്ടയത്ത് പി.ജെ ജോസഫിന്റെയും, മോൻസിന്റെയും കോലം കത്തിക്കപ്പെട്ടത് .

തുടർന്നും കോലം കത്തിക്കാൻ ഈ പ്രസിഡണ്ട് പദ്ധതിയിട്ടെങ്കിലും അത് സംഘർഷത്തിൽ കലാശിക്കുമെന്ന് മനസിലായപ്പോൾ പ്രസ്തുത പ്രസിഡന്റ്  ഇപ്പോൾ കോലം കത്തിക്കലിനെ കുറിച്ച് മിണ്ടുന്നുമില്ല.

പി.ജെ ജോസഫ് ന് കോട്ടയം പാർലമെൻറ് സീറ്റ് നൽകരുതെന്ന് സ്റ്റിയറിംഗ് കമ്മിറ്റി യോഗത്തിൽ ശക്തമായി ആവശ്യപ്പെട്ട ഒരാളാണ് ഈ കോട്ടയം ജില്ലാ പ്രസിഡന്റ്.യോഗത്തിൽ ഉടനീളം ഇയാൾ പല്ല് ഞെരിക്കുകയും, വസന്ത പിടിച്ച കോഴിയെ പോലെ കഴുത്ത് ഇടത്ത് നിന്നും വലത്തേക്കും, വലത്ത് നിന്നും ഇടത്തേക്കും തുടർച്ചയായി കറക്കുകയും ചെയ്ത് കൊണ്ടി രുന്നു.
ഇ.ജെ. ആഗസ്തിയെ വെട്ടി കോട്ടയം ജില്ലാ പ്രസിഡന്റ് ആയ ഇദ്ദേഹത്തിന് പിളരുന്ന പാർട്ടിയിൽ നടുക്കഷ്ണം സ്വപ്നം കാണുന്നൂ എന്നാണ് ജോസ് വിഭാഗത്തിലെ തന്നെ നേതാക്കൾ പറയുന്നത്.

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.