Hot News

രാഹുൽഗാന്ധി പൂത്ത് നിന്ന കേരളമാകുന്ന പാടത്തിൽ.,പാടാൻ വന്നു പി ജെ ജോസഫ് 




വയനാട്:സുൽത്താൻ ബത്തേരിയിലെ തെരെഞ്ഞെടുപ്പ് പ്രചാരണ യോഗത്തിൽ പങ്കെടുത്തപ്പോൾ രാഹുൽഗാന്ധിയുടെ വിജയത്തിനായി  തൊടുപുഴ വണ്ണപ്പുറത്തെ സാധാരണ
 തൊഴിലാളി കുടുംബത്തിലെ വീട്ടമ്മ ഗ്രേസി മാത്യുവും മകളും  താരക പെണ്ണാളേ.,കതിരാടും മിഴിയാളെ എന്ന നടൻ പാട്ടിന്റെ ഈണത്തിൽ എഴുതിയ വരികൾ പി ജെ ജോസഫ് എം എൽ എ പാടി കേൾപ്പിച്ചത് സദസ്സിനും.,കലാ കേരളത്തിനും.,രാഹുൽ ഗാന്ധിക്കും  കാതിന്  തേൻ മഴയായി.

സുൽത്താൻ ബത്തേരിയിൽ രാഹുൽഗാന്ധിയുടെ തെരെഞ്ഞെടുപ്പ് യോഗത്തിൽ ഈ പാട്ട് ആദ്യം പാടുവാനായി ഏൽപ്പിച്ചത് സുൽത്താൻ ബത്തേരിയിലെ  നാല് സ്‌കൂൾ കുട്ടികളെ ആയിരുന്നു.എന്നാൽ സുരക്ഷാ പ്രശ്നത്തിന്റെ കാരണത്താൽ അവർക്ക് അനുമതി ലഭിക്കായ്കയാൽ പി ജെ ജോസഫ് തന്നെ ആഗാനം ആലപിക്കയാണുണ്ടായത്.

"രാഹുൽ വരുന്നുണ്ടേ
രാഹുൽഗാന്ധി വരുന്നുണ്ടേ
നമ്മുടെ സാരഥി വീരനാം നായകൻ
വയനാട്ടിൽ എത്തീട്ടുണ്ടേ
കാത്തിരുന്ന് കണ്ടോളൂ
ഓർത്തിരുന്ന് ചെയ്തോളൂ
ആരൊക്കെ വന്നാലും
എന്തൊക്കെ ചെയ്താലും
രാഹുൽജി മുന്നിൽ തന്നെ
കൈപ്പത്തി മുന്നിൽ തന്നെ"


രാഹുൽ ഗാന്ധിക്കും. അഡ്വ.ഡീൻ കുര്യാക്കോസിനും  വേണ്ടി നാടൻ പാട്ടിന്റെ ട്യൂണിൽതൊടുപുഴ വണ്ണപ്പുറം സ്വദേശി ഗ്രേസി മാത്യു എഴുതി മകൾ അജിതക്കൊപ്പം പാടിയ ഗാനം സോഷ്യൽ മീഡിയയിൽ ഹിറ്റായി മാറിയിരുന്നു . രാഹുൽ ഗാന്ധി വയനാട്ടിൽ മത്സരിക്കുവാൻ വന്നതിലുള്ള സന്തോഷമാണ് പാട്ട് എഴുതുവാൻ പ്രേരകമായതെന്ന് ഗ്രേസി പറഞ്ഞു.ഗാന്ധിദർശൻ വേദി ജില്ലാ ചെയർമാൻ അഡ്വ ആൽബർട്ട് ജോസ് മുൻകൈ എടുത്താണ് ഇരുവരുടെയും പാട്ട് ജനശ്രദ്ധയിൽപ്പെടുത്തിയത്.ഇരുവരുടെയും പാട്ടിനെ പി ജെ ജോസഫ് മുക്തകണ്ഠം  അഭിനന്ദിച്ചു കൂലിപ്പണി ചെയ്ത് ജീവിക്കുന്ന ഗ്രേസിക്കും കുടുംബത്തിനും ഈ തിരഞ്ഞെടുപ്പിൽ തങ്ങളുടെ പാട്ടും ഭാഗമായതിന്റെ സന്തോഷത്തിലാണ്. 'രാഹുലിനു വേണ്ടി പാടിയ പാട്ട് ജീവിത സാഫല്യമായെന്നും അടുത്തൊന്ന് കാണുവൻ കഴിഞ്ഞെങ്കിൽ എന്ന പ്രതീക്ഷയിലാണ് ഗ്രേസിയും മകളും അഡ്വ ഡീൻ കുര്യാക്കോസും സന്തോഷം പങ്കിട്ടു.


പി ജെ ജോസഫ് എം എൽ എ പാടിയ നാടൻപാട്ട് സദസ്സിൽ മാത്രമല്ല പ്രസംഗം കേൾക്കാൻ തിങ്ങി കൂടിയ ജനങ്ങളിലും  സന്തോഷമായി അലയടിച്ചു .അവരും പാട്ടിന്റെ താളത്തിനൊത്ത് കൈയ്യടിച്ചു പ്രോത്സാഹിപ്പിച്ചു കൊണ്ടിരുന്നു.

പ്രായം തളർത്താത്ത പോരാളിയായി ഒരു സ്റ്റേജിൽ നിന്നും അടുത്ത സ്റ്റേജിലേക്ക് പി ജെ ജോസഫിന്റെ പ്രയാണം അനവരതം തുടരുകയാണ്.കേരള കോൺഗ്രസിന്റെ ശബ്ദം കോട്ടയം ജില്ലയ്ക്കു വെളിയിൽ പി ജെ യിലൂടെ മുഴങ്ങുന്ന കാര്യം യു ഡി എഫിലാകെ ചർച്ചയായി കഴിഞ്ഞു.ഇടത്തേക്ക് പോകേണ്ട കേരള കോൺഗ്രസിനെ യു ഡി എഫിൽ കൊണ്ടെത്തിച്ചതും പി ജെ ജോസഫ് ആണെന്ന കാര്യം പല വേദികളിലും കോൺഗ്രസിന്റെയും .,ലീഗിന്റെയും നേതാക്കൾ തുറന്നു സമ്മതിച്ചു കഴിഞ്ഞു.

ഇടുക്കിയിൽ ഡീൻ  കുര്യാക്കോസിന് വേണ്ടി പ്രചണ്ഡമായ പ്രചാരണമാണ് പി ജെ അഴിച്ചു വിട്ടത്.ചെറുതോണിയിലെ തെരെഞ്ഞെടുപ്പ് കൺവൻഷൻ തന്നെ തുറന്ന മൈതാനത്ത് നടത്തി വൻ വിജയമാക്കുവാൻ പി ജെ ജോസഫിന് ആയിരുന്നു.കേരളാ കോൺഗ്രസ് പ്രവർത്തകരുടെ കൺവെൻഷനിലെ പ്രാതിനിധ്യം ശ്രദ്ധേയമായിരുന്നു.അതുപോലെ തൊടുപുഴ കൺവൻഷനും ജനബാഹുല്യം കൊണ്ട് ശ്രദ്ധേയമായിരുന്നു.പുറപ്പുഴ മണ്ഡലം കൺവൻഷനിൽ  തന്നെ 700 ഓളം പേരാണ് പങ്കെടുത്തത്.കേരള കോൺഗ്രസിന്റെ സംസ്ഥാനത്തെ ശബ്ദമായി പി ജെ ജോസഫ് മാറുകയാണ്.

കെ എം മാണി ക്ക് അനുശോചനം:രാഹുൽ ഗാന്ധി ചൊവ്വാഴ്ച കരിങ്ങോഴക്കൽ വീട്ടിലെത്തും 




കോട്ടയം:കോൺഗ്രസ് നേതാവ് രാഹുൽഗാന്ധി ചൊവ്വാഴ്ച കെ എം മാണിയുടെ വസതിയിലെത്തി കുടുംബാംഗങ്ങളെ അനുശോചനം അറിയിക്കും.കൊച്ചിയിൽ നിന്നും പാലായിലെത്തുന്ന രാഹുൽഗാന്ധി റോഡ് മാർഗം കെ എം മാണിയുടെ വസതിയിലെത്തും.ഉമ്മൻ‌ചാണ്ടി.,രമേശ് ചെന്നിത്തല തുടങ്ങിയവർ രാഹുൽ ഗാന്ധിയോടൊപ്പം ഉണ്ടാവും.
സുരക്ഷാ കാര്യങ്ങളെ കുറിച്ച് ചർച്ച ചെയ്യാൻ ഉന്നത പോലീസ് സംഘം ജോസ് കെ മാണിയുമായി വസതിയിൽ ചർച്ചകൾ നടത്തുന്നു 

ഐക്യ ജനാധിപത്യ മുന്നണിയുടെ സ്ഥാപക നേതാവായിരുന്ന കെ എം മാണിയുടെ മൃതസംസ്ക്കാര ശുശ്രൂഷകൾക്ക് തിരക്ക് മൂലം രാഹുൽഗാന്ധിക്ക്‌ പങ്കെടുക്കാൻ കഴിഞ്ഞിരുന്നില്ല.കേരളത്തിലെത്തുന്ന രാഹുൽഗാന്ധിയുടെ സന്ദർശനം പാലയിലേക്കും കൂടി നീട്ടിയത് എ കെ ആന്റണയും .,ഉമ്മൻ ചാണ്ടിയും ഇടപെട്ടാണ്.

ഇതിനു മുൻപ് ഇന്ദിരാഗാന്ധി കെ എം മാണിയുടെ തെരെഞ്ഞെടുപ്പ് പ്രചാരണത്തിനായി വന്നിട്ടുണ്ടെങ്കിലും മറ്റു ഉന്നത കോൺഗ്രസ് നേതാക്കൾ അതിനു ശേഷം വന്നിരുന്നില്ല.ഐക്യ ജനാധിപത്യ മുന്നണിയുമായി തെറ്റിപ്പിരിഞ് മാറിയ കേരള കോൺഗ്രസ് എം നു പിന്നീട് ഉമ്മൻ‌ചാണ്ടിയും.,ഇന്ത്യൻ യൂണിയൻ മുസ്‌ലിം ലീഗ് നേതാവ് പി കെ കുഞ്ഞാലിക്കുട്ടിയും  ഇടപെട്ട് രാജ്യ സഭ സീറ്റ് നൽകിയാണ് തിരികെ പ്രവേശിപ്പിച്ചത്.ഇപ്പോൾ കെ എം മാണിയുടെ നിര്യാണത്തിൽ അനുശോചനമറിയിക്കാൻ എ ഐ സി സി പ്രസിഡണ്ട് തന്നെ കരിങ്ങോഴക്കൽ വീട്ടിലെത്തുന്നത് മാണിഗ്രൂപ്പിനു ലഭിച്ച വലിയൊരു അംഗീകാരമാണ്.

വൻ സുരക്ഷാ സജ്ജീകരണങ്ങളുള്ള സെഡ് കാറ്റഗറിയിൽ പെടുന്ന രാഹുൽഗാന്ധിയുടെ വരവോടനുബന്ധിച്ചു ഇപ്പോൾ തന്നെ വൻ സുരക്ഷാ ഏർപ്പാടുകൾ ഒരുങ്ങി കഴിഞ്ഞു.വീടും ,പരിസരവും ശക്തമായ സുരക്ഷയിലാണ്.റോഡിനു ഇരു വശങ്ങളിലുമുള്ള ബാരിക്കേഡുകളുടെ പണി ആരംഭിക്കും .സുരക്ഷാ കാര്യങ്ങളെ കുറിച്ച് ചർച്ച ചെയ്യാൻ ഉന്നത പോലീസ് സംഘം ജോസ് കെ മാണിയുമായി വസതിയിൽ ചർച്ചകൾ ആരംഭിച്ചിട്ടുണ്ട്.

പാലായിലെ കരിങ്ങോഴയ്ക്കൽ വസതിയിലെത്തുന്ന രാഹുൽഗാന്ധിയെ കുട്ടിയമ്മ മാണി.,ജോസ് കെ മാണി.,നിഷാ ജോസ് കെ മാണി., എന്നിവർ ചേർന്ന് സ്വീകരിക്കും.


കെഎം മാണിയുടെ പിന്തുടർച്ചക്കാർ അദ്ദേഹത്തിന്റെ മാഹാത്മ്യം മനസിലാക്കണം.കവി എഴാച്ചേരി രാമചന്ദ്രൻ




പാലാ:കെ എം മാണിയുടെ പിന്തുടർച്ച അവകാശപ്പെടുന്നവർ അദ്ദേഹത്തിന്റെ മാഹാത്മ്യം മനസിലാക്കണം.തമ്മിലടിച്ചു കളഞ്ഞു കുളിക്കാനുള്ളതല്ല അദ്ദേഹം  സമൂഹത്തിൽ സൃഷ്ട്ടിച്ച നന്മകൾ.അദ്ദേഹത്തെ സമൂഹത്തിന്റെയാകെ നേതാവായി പിന്തുടർച്ചക്കാർ കാണണം.പാലായിൽ നടന്ന എൽ ഡി എഫ് യോഗത്തിലാണ് പാലാക്കാരൻ തന്നെയായ കവി എഴാച്ചേരി രാമചന്ദ്രൻ ഇങ്ങനെ പറഞ്ഞത്.

കോട്ടയം പാർലമെന്റ് മണ്ഡലം സ്ഥാനാർഥി വി എൻ വാസവന്റെ തെരെഞ്ഞെടുപ്പ് പ്രചാരണത്തോടനുബന്ധിച്ചു ഇന്നലെ പാലായിൽ നടന്ന റോഡ് ഷോയിലും.,പൊതുയോഗത്തിൽ സംസാരിക്കുകയായിരുന്നു കവി.

പൊട്ടക്കുളത്തിൽ പുളവൻ ഭണീന്ദ്രൻ.,
തട്ടുമ്പുറത്തെലി മൃഗാധിരാജൻ.,
കാട്ടാളരിൽ കാപ്പിരി കാമദേവൻ.,
കട്ടക്കയം ക്രൈസ്തവ കാളിദാസൻ

എന്ന് പറഞ്ഞു പാലാക്കാരൻ കട്ടക്കയം ചെറിയാൻ മാപ്പിളയെ പലരും പരിഹസിച്ച പോലെ പാലാക്കാരനായ കെ എം മാണി ചെയ്ത സേവനങ്ങളും ,ലോക പ്രശസ്തമായ അദ്ദേഹത്തിന്റെ ദർശനങ്ങളും കാണാതെ അദ്ദേഹത്തിന്റെ പിന്തലമുറക്കാർ തമ്മിലടികൾക്കു കോപ്പു കൂട്ടുമ്പോൾ അദ്ദേഹത്തിന്റെ ദർശനങ്ങൾ പാർശ്വ വൽക്കരിച്ചു പോകാതിരിക്കട്ടെ എന്നും കവി ഉദ്‌ബോധിപ്പിച്ചു.

പാലയ്‌ക്കൊരു ഉജ്ജ്വല സംസ്ക്കാരമുണ്ട്.,അത് പ്രോജ്ജ്വലങ്ങളാവട്ടെ.,ആരാണ് പള്ളിയുടെ ആനവാതിലിൽ കറുത്തകുരിശു വരച്ചു ബ്ലാക്ക് മാസ് പ്രചരിപ്പിച്ചത്.ആ പള്ളയിൽ അല്ലോ ഞാനും നിങ്ങളും സി വൈ .എം എൽ ന്റെ ബൈബിൾ നാടകം കാണാൻ മണിക്കൂറുകൾക്കു മുൻപേ ഇരിപ്പിടം തേടിയത്.ആരാണ് അമ്പലത്തിന്റെ ഭിത്തിയിൽ ഓം കാളി എന്ന് കോറിയിട്ടത്.അവിടെ നമ്മൾ അരവിന്ദാക്ഷ  മേനോന്റെ ബാലെ കണ്ടു വെളുക്കുവോളം ഇരുന്നവരല്ലേ.ആരാണ് ഈ മനസുകളെ വേർ  തിരിച്ചത്.

ഇഷ്ട്ടപ്പെട്ട പെണ്ണിനെ കെട്ടുവാനും.,ഇഷ്ട്ടപ്പെട്ട പുസ്തകം വായിക്കുവാനും.,ഇഷ്ട്ടപ്പെട്ട ഭക്ഷണം കഴിക്കുവാനും   നമ്മളുടെ അവകാശത്തെ ചോദ്യം ചെയ്യപ്പെടുമ്പോൾ അതിനെതിരെ വിരൽ ചൂണ്ടുന്നവനായിരിക്കണം യഥാർത്ഥ മനുഷ്യ സ്‌നേഹി എന്നും കവി ചൂണ്ടിക്കാട്ടി 

അച്ചാച്ചനില്ലാത്ത ഓശാന പെരുന്നാളിന് അച്ചാച്ചന്റെ സ്ഥാനത്ത് ജോസ് കെ മാണി.,കുട്ടിയമ്മയായി നിഷയും  




പാലാ:അച്ചാച്ഛനില്ലാത്ത ആദ്യത്തെ ഓശാന പെരുന്നാൾ..അച്ചാച്ചൻ നിന്ന സ്ഥാനത്ത് ജോസ് കെ മാണി കൈകൂപ്പി നിന്നു.തൊട്ടു ചേർന്ന് നിഷയും.മന്ത്രിയായപ്പോഴും.,എം എൽ എ ആയിരുന്നപ്പോഴും പാലായിലുണ്ടെങ്കിൽ കെ എം മാണിയും.,ഭാര്യ കുട്ടിയമ്മയും പാലാ കത്തീഡ്രൽ പള്ളിയിലെ ഓശാന പെരുന്നാൾ കൂടാനെത്തുമായിരുന്നു.ഇന്ന് ആ സ്ഥാനത്ത് ജോസ് കെ മാണിയും നിഷയും.

രാവിലെ ആറരയ്ക്കുള്ള ഓശാന കുർബാനയ്ക്കാണ് ജോസ് കെ മാണിയും  ഭാര്യ നിഷയുമെത്തിയത്.കെ എം മാണി ചെയ്യുന്നത് പോലെ പള്ളിയിൽ മൂലയിൽ രണ്ടു സീറ്റ് കരസ്ഥമാക്കി.മറ്റു ചിന്തകളൊന്നും കൂടാതെ പ്രാർത്ഥനയിൽ പങ്കു കൊണ്ടു.ഇടയ്ക്കിടയ്ക്ക് നിഷാ ജോസ് കെ മാണിയുടെ നിയന്ത്രണം വിട്ടു പോകുന്നുണ്ടായിരുന്നു. ശബ്ദമില്ലാതെ കരയുന്നുമുണ്ടായിരുന്നു.അപ്പോഴൊക്കെ അവർ ജോസ് കെ മാണിയുടെ കൈപ്പത്തി  തന്റെ കരതലത്തോട് ചേർത്ത് പിടിച്ചു.

ഓല കൊടുക്കുന്ന സമയത്ത് ആൾക്കൂട്ടത്തി ഒരാളായി അവർ മാറി.ഇങ്ങനെയായിരുന്നു കെ എം മാണിയും.ചില ഓശാന ദിവസങ്ങളിൽ കുട്ടിയമ്മ ചേടത്തി  ഇഷ്ട്ടം തോന്നുവാർക്കു ഓല സമ്മാനമായി നൽകുമായിരുന്നു.

മാണിസാർ വരുന്ന ചില സന്ദർഭങ്ങളിൽ ബിഷപ്പ് കല്ലറങ്ങാട്ട് മാണിസാർ ഈ കുർബാനയിൽ നമ്മോടൊപ്പം ഉള്ളത് ശുഭസൂചനയാണെന്നും പറഞ്ഞിരുന്നു.മാണിസാർ വരുന്ന അവസരങ്ങളിൽ എപ്പോഴും സഹായിയായി കൂടെയുള്ളത് തോമസ് ആന്റണി ആയിരുന്നു.ഇന്നും തോമസ് ആന്റണി കൂടെയുണ്ടായിരുന്നു.

പാലാ ഉപതെരഞ്ഞെടുപ്പ് എൻ സി പി യുടെ സീറ്റ് സി പി എം ഏറ്റെടുക്കും 



പാലാ:ഒക്റ്റോബർ മാസത്തിനുള്ളിൽ നടക്കേണ്ട പാലാ ഉപ തെരഞ്ഞെടുപ്പിനുള്ള ആശയ വിനിമയങ്ങൾക്ക് പ്രമുഖ രാഷ്ട്രീയ പാർട്ടികൾ തുടക്കമിട്ടു കഴിഞ്ഞു.ഇടതു പക്ഷ മുന്നണിയിൽ എൻ സി പി ക്കു അനുവദിച്ച ഈ സീറ്റ് സിപിഎം ഏറ്റെടുക്കാനാണ് സാധ്യത.ഇടതു മുന്നണി  പൊതു സ്വതന്ത്രന്മാരെയും പരിഗണിക്കുന്നുണ്ട്.യു ഡി എഫിൽ നിഷാ ജോസ് കെ മാണിക്കായിരിക്കും മുൻഗണന.അല്ലെങ്കിൽ ഫിലിപ്പ് കുഴികുളം.,ടോബിൻ കെ അലക്സ് എന്നിവരും പരിഗണനയിൽ.

ആറുമാസത്തിനുള്ളിൽ നടക്കേണ്ട പാലാ ഉപ തെരെഞ്ഞെടുപ്പിൽ യു ഡി എഫിനേക്കാൾ സ്ഥാനാർഥി നിർണ്ണയത്തിൽ അസ്വാരസ്യമുണ്ടാവുന്നത്‌ എൽ ഡി എഫിലായിരിക്കും.2016 ൽ  എൻ സി പി യിലെ മാണി സി കാപ്പനായിരുന്നു സ്ഥാനാർഥി.അദ്ദേഹം 2011ലും 2006 ലും കെ എം മാണിക്കെതിരെ എൻ സി പി ക്കുവേണ്ടി ഇടതു മുന്നണി സ്ഥാനാർത്ഥിയായി മത്സരിച്ചെങ്കിലും യു ഡി എഫ് സ്ഥാനാർഥി കെ എം മാണിക്ക് മുന്നിൽ അടിയറവ് പറയുകയായിരുന്നു.

നിഷാ ജോസ് കെ മാണി 

കെ എം മാണിക്ക് അസുഖ ബാധിതനായി കിടക്കുമ്പോഴേ മാണി സി കാപ്പൻ അടുത്ത പലരോടുംപറഞ്ഞിരുന്നു.,ഉപ തെരെഞ്ഞെടുപ്പ് വന്നാൽ ഞാനായിരിക്കും ഇടതു മുന്നണി സ്ഥാനാർഥി.,ഞാൻ വൻ ഭൂരിപക്ഷത്തിൽ ജയിക്കും.,എ കെ ശശീന്ദ്രനെ വെട്ടി ഞാൻ മന്ത്രിയാവും എന്നൊക്കെ.എന്നാൽ എൻ സി പി യിലെ തന്നെ പലരും ഈ വീമ്പു പറച്ചിലിനെ  കാര്യമാക്കിയിരുന്നില്ല.ഉഴവൂർ വിജയൻറെ മരണവുമായി ബന്ധപ്പെട്ടുണ്ടായ ആരോപണങ്ങളിൽ കാപ്പനെതിരെയും.,സുൾഫിക്കർ അന്സാരിക്കെതിരെയുമുള്ള അന്വേഷണങ്ങൾ ഒരിടത്തുമെത്തിയിട്ടില്ല നാളിതുവരെ.

കഴിഞ്ഞ തവണത്തെ എൻ സി പി യുടെ സംഘടനാ തെരെഞ്ഞെടുപ്പിൽ പാലാ മണ്ഡലത്തിൽ നിന്നും മാണി സി കാപ്പന്റെ അനുയായികളിൽ ആരും  തന്നെ തിരഞ്ഞെടുക്കപ്പെട്ടിരുന്നില്ല.ഇതേ തുടർന്ന് സംസ്ഥാന തെരെഞ്ഞെടുപ്പിൽ മത്സരിക്കാൻ ഭരണഘടനാ അനുവദിക്കാത്തതിനാൽ.അഖിലേന്ത്യാ നേതാക്കളെ സ്വാധീനിച്ച് സമവായമുണ്ടാക്കി.സംസ്ഥാന ഭാരവാഹി ആവുകയാണുണ്ടായത്.
കുര്യാക്കോസ് പടവൻ 

ഉപതെരെഞ്ഞെടുപ്പുകളിൽ സിപിഎം ശൈലി വച്ച് സീറ്റ് സിപിഎം തന്നെ ഏറ്റെടുക്കുകയാണ് പതിവ്.2004 ൽ ജോസഫ് വിഭാഗം എൽ ഡി എഫിലായിരുന്നപ്പോൾ വടക്കാഞ്ചേരി നിയമസഭാ മണ്ഡലത്തിൽ ഉപതെരഞ്ഞെടുപ്പിൽ കെ മുരളീധരനെതിരെ സിപിഎം ലെ എ.സി മൊയ്‌ദീൻ സ്ഥാനാർഥി ആവുകയും വിജയിക്കുകയും ചെയ്തിരുന്നു.അന്ന് ജോസഫ് ഗ്രൂപ്പിന്റെ എം പി പോളിക്കാണ് സീറ്റ് കിട്ടേണ്ടതെങ്കിലും അടിയന്തര പ്രാധാന്യം കണക്കിലെടുത്ത് സിപിഎം സീറ്റ് ഏറ്റെടുക്കുകയായിരുന്നു.

ഈ തത്വം വച്ച് സീറ്റ് സിപിഎം ഏറ്റെടുക്കുമ്പോൾ സ്ഥാനാർത്ഥിയായി വരാൻ സാധ്യത യുള്ള നിരവധി പ്രമുഖരാണുള്ളത്.യു  ഡി എഫിൽ നിഷാ ജോസ് കെ മാണി വന്നാൽ ആദ്യം സിപിഎം പരിഗണിക്കുക ഉഴവൂർക്കാരിയായ സിന്ധുമോൾ ജേക്കബ്ബിനെയായിരിക്കും.ഇവരുടെ വസതിയിരിക്കുന്ന മണ്ഡലം കടുത്തുരുത്തി ആണെങ്കിലും പ്രവർത്തന കേന്ദ്രം പാലായിലാണ്.ലോക്സഭാ തെരെഞ്ഞെടുപ്പിൽ സിന്ധുമോൾ ജേക്കബ്ബിനെ സിപിഎം അവസാന നിമിഷം വരെ പരിഗണിച്ചിരുന്നു.
ഫിലിഫ് കുഴികുളം 

പിന്നീട് പരിഗണനയിലുള്ളത് മാണിഗ്രൂപ്പുകാരനായ കുര്യാക്കോസ് പടവനെയായിരിക്കും.പടവൻ ഇപ്പോൾ ജോസ് കെ മാണിയുമായി കുറെ കാലമായി ഇടഞ്ഞു നിൽക്കുകയാണ്.ഈയിടെ തന്നെ നിഷാ ജോസ് കെ മാണി പടവന്റെ വാർഡിൽ പടവൻ അറിയിക്കാതെ വീട് കയറി ചാഴിക്കാടന് വോട്ടു അഭ്യർത്ഥിക്കുകയും ചെയ്തു.കേരള കോൺഗ്രസ് (എം) ശൈലിയിൽ പാർട്ടിക്ക് പുറത്താക്കുന്നത് ഇങ്ങനെയാണ്.ഒരു കാര്യത്തിനും വിളിക്കില്ല .,അറിയിക്കില്ല .,നേരിട്ട് കാണുമ്പോൾ വിശേഷം ചോദിക്കുകയും കെട്ടിപ്പിടിക്കുകയും ചെയ്യും.
സജി മഞ്ഞക്കടമ്പനും.,കൊച്ചൗസേപ്പ് ചിറ്റിലപ്പള്ളിയും 


യു  ഡി എഫിൽ നിഷാ  ജോസ് കെ മാണിയായിരിക്കും സ്ഥാനാർഥി എന്നുള്ളത് ഏതാണ്ട് ഉറപ്പാണ്.അതിനുള്ള ഗൃഹപാഠം അവർ വളരെ മുൻപ് തന്നെ ചെയ്തിരുന്നു.കെ എം മാണിക്ക് അസുഖം കൂടിയത് മുതൽ അവർ പാലാ കേന്ദ്രീകരിച്ചായിരുന്നു വീട് കയറിയുള്ള വോട്ടു അഭ്യർത്ഥനകൾ എല്ലാം തന്നെ. കെ എം മാണിയുടെ മരണ ശേഷവും അവർ പാലായിലെ ഒരു അനാഥാലയത്തിന് അച്ചാച്ചന്റെ ആത്മശാന്തിക്കായി ആയിരം ചപ്പാത്തിയും കറികളും സ്പോൺസർ ചെയ്തിരുന്നു.


ഏതെങ്കിലും കാരണത്താൽ നിഷാ മത്സരിക്കുന്നില്ലെങ്കിൽ മാത്രമേ വേറൊരാളെ കണ്ടെത്തേണ്ടതുള്ളൂ.മുൻ കോട്ടയം ജില്ലാ സഹകരണ ബാങ്ക് പ്രസിഡണ്ട്.,പാലാ നിയോജക മണ്ഡലം പ്രസിഡണ്ട്,എന്നീ  നിലകളിൽ പ്രവർത്തിക്കുന്ന ഫിലിഫ് കുഴികുളമാണ് അടുത്ത സ്ഥാനാർത്ഥിയായി പരിഗണിക്കുന്നത്.ഏതു പിളർപ്പിലും മാണിസാറിനോടൊപ്പം നിന്നിട്ടുള്ള കുഴികുളം ഫിലിഫ് നാട്ടുകാരുടെ ഫിലിഫ് ചേട്ടനാണ്.ഇദ്ദേഹം ജനകീയ പ്രതിച്ഛായയുള്ള നേതാവുമാണ്


യൂത്ത് ഫ്രണ്ട് സംസ്ഥാന പ്രസിഡണ്ട് സജി മഞ്ഞക്കടമ്പനെ  കഴിഞ്ഞ നിയമസഭാ തെരെഞ്ഞെടുപ്പിൽ അവസാന നിമിഷം പൂഞ്ഞാറിലെ സ്ഥാനാർഥി ആകുന്നതിൽ നിന്നും നീക്കം ചെയ്‌തെങ്കിലും അദ്ദേഹവും സ്ഥാനാർത്ഥിത്വത്തിനായി ശ്രമിക്കുന്നുണ്ട്.കഴിഞ്ഞ തവണ കപ്പിനും ചുണ്ടിനുമിടയിൽ സ്ഥാനാർത്ഥിത്വം നഷ്ടപ്പെട്ടപ്പോൾ മഞ്ഞക്കടമ്പന് കെ എം മാണിയും.,ജോസ് കെ മാണിയും അടുത്ത തവണ കോട്ടയം ജില്ലയിൽ സീറ്റ് ഉറപ്പ് കൊടുത്തതാണ്.

ഏറ്റവും കൂടുതൽ സംഘടനയെ ചലിപ്പിച്ച പരിപാടികൾ നടത്തിയെന്ന ഖ്യാതിയും സജിക്കുണ്ട്.ജോസ് കെ മാണിയുടെ വിശ്വസ്തനായ ഇപ്പോഴത്തെ മുത്തോലി മണ്ഡലം പ്രസിഡണ്ട് ടോബിൻ കെ അലക്‌സും മറ്റൊരു സ്ഥാനാർത്ഥിയായി പരിഗണിക്കാൻ സാധ്യത ഉള്ളയാളാണ്.

കനിവ് ചുരത്തുന്ന കരിങ്ങോഴക്കൽ വീട്ടിലെ കാരുണ്യത്തിന്റെ കാരണവർ 



 പാലാ:ജയ് ജയ് സിന്ദാബാ ...കെ എം മാണി സിന്ദാബാ...
ഒരു കാലത്ത് ഇങ്ങനെയൊരു മുദ്രാവാക്യം കേൾക്കാതെ പാലായിലും പരിസരത്തും കൂടി കടന്നു  പോകാൻ പറ്റില്ലായിരുന്നു .കൊച്ചു കുട്ടികൾ വീട് വച്ച് കളിക്കുമ്പോഴും അവർ വിളിക്കുന്ന മുദ്രാവാക്യം ജയ് ജയ് കെ എം മാണി എന്നായിരുന്നു.അത്രയ്ക്കും പാലായുമായി ഇഴുകി ചേർന്ന ജീവിതമായിരുന്നു കെ എം മാണിയുടേത്.ദൂരെ സ്ഥലങ്ങളിൽ ജോലി ചെയ്യുന്നവർ വീട് പാലായിലാ എന്ന് പറയുമ്പോൾ തിരിച്ചു ചോദിക്കുന്ന ഒരു ചോദ്യമുണ്ട്.ഓ ...മാണിസാറിന്റെ പാലാ അല്ലെ ..?

മന്ത്രി ആയപ്പോഴും എം എൽ എ ആയപ്പോഴും മാണിസാറിനെ കാണാൻ നൂറു കണക്കിന് ജനങ്ങൾ ഒഴുകി എത്തിയിരുന്നു.ധനകാര്യ മന്ത്രി ആയപ്പോൾ വരുന്നവരുടെ എണ്ണം കൂടി.എല്ലാവരുടെയും പ്രശ്നങ്ങൾ പരിഹരിച്ചിട്ടേ മാണിസാർ കസേരയിൽ നിന്നും എഴുന്നേൽക്കൂ..അവസാനം മുറ്റത്തേയ്ക്ക് കണ്ണോടിച്ചു നോക്കും ഇനിയാരേലുമുണ്ടോ എന്നറിയാൻ..പിന്നെ അകത്തേയ്ക്കു പോകും..കുളിച്ചു ഒരുങ്ങി ഒരു വരവാണ്.വീട്ടിലെ കാര്യങ്ങൾ നോക്കുന്ന അപ്പച്ചൻ എന്ന മരങ്ങാട്ടു പള്ളി കാരനാണ് പെട്ടിയും പിടിച്ചു മുന്നേ വരിക.അപ്പച്ചൻ വരുമ്പോഴേ കൂടി നിൽക്കുന്നവർ പറയും സാർ ഇപ്പോൾ വരും.

കരിങ്ങോഴയ്ക്കൽ തറവാട്ടിൽ വന്നവർ ഒന്നും വെറും കൈയ്യോടെ പോയിട്ടില്ല .. ജോലി കിട്ടിയവരൊക്കെ മാണിസാറിനെ കാണാൻ ഒരു വരവുണ്ട് കയ്യിൽ ഒരു കേക്ക് പൊതിഞ്ഞു പിടിച്ചിരിക്കും.അത് മുറിച്ചു മാണിസാറിന്റെ വായിൽ വച്ച് കൊടുക്കും .അപ്പോഴേ ജോലി കിട്ടിയവർക്കും ഒരു സന്തോഷമുണ്ടാകൂ.

വീട്ടിൽ കൂടി നിൽക്കുന്ന ആൾക്കാരെ ആകെ ഒന്ന് നോക്കും..അതിൽ തട്ടമിട്ടവർ ഉണ്ടെങ്കിൽ ആദ്യം അവരെ വിളിക്കും.ചന്ദന കുറി തൊട്ടവരെയും ആദ്യം വിളിക്കും. ബാക്കിയുള്ളവരുടെ മുഖത്ത് നീരസം വന്നാൽ പറയും ഇവരൊക്കെ നമ്മുടെ ആളാ..അപ്പോൾ അവസാനം വിളിച്ചവർക്കും പരാതിയില്ല.വല്ലാത്ത സ്നേഹം തോന്നുമ്പോൾ അടുത്ത് നിൽക്കുന്നവരെ കൈ ചുരുട്ടി  ചെറിയ  ഒരു ഇടി കൊടുക്കും..നിന്നെ കുറേയായല്ലോ ഇങ്ങോട്ടു കണ്ടിട്ട്..അപ്പോൾ വന്നവരുടെ പരിഭവം തീരും.ആ ഇടി കിട്ടാനായി പലരും ചേർന്ന്  നിൽക്കുന്നത് കണ്ടിട്ടുണ്ട്.അങ്ങനെ കുറെ നാൾ വരാതിരുന്നപ്പോൾ കെ ടി യു സി നേതാവ് അഡ്വേക്കേറ്റ് ജോബി കുറ്റിക്കാട്ടിനും കിട്ടി സ്‌നേഹപൂർവമായ ഒരിടി.

പ്രാദേശിക .നേതാക്കളെയൊക്കെ വീട്ടിലെത്തുമ്പോൾ മാണിസാർ പരിഗണിക്കും.അവരെയെല്ലാം പേര് ചൊല്ലി തന്നെ സാർ വിളിച്ചിരുന്നു.അകത്തെ മുറിയിൽ വച്ച് ജനങ്ങളെ നേരിട്ട് കണ്ടു പ്രശ്നം പരിഹരിച്ചു കൊണ്ടിരിക്കുന്ന സമയത്ത് അതിനു തടസ്സമായി  മുൻവശത്ത് ശബ്ദമുണ്ടാക്കി ചിരിക്കുന്ന നേതാക്കളോട് പറയും.,ആ തൊടുകയോട്  പയ്യെ ചിരിക്കാൻ പറ.. ആരാണ് ശബ്ദമുണ്ടാക്കി ചിരിച്ചതെന്നും മാണിസാറിന് അറിയാം.സാജൻ തൊടുക എന്ന പ്രാദേശിക നേതാവിന്റെ ചിരി വരെ മാണിസാറിന് ചിരപരിചിതമാണ്.

പലരും വീട്ടിലെ പ്രശ്നങ്ങൾ പറഞ്ഞു വിങ്ങി പൊട്ടുമ്പോൾ മാണിസാറിനും പലപ്പോഴും കരച്ചിലടക്കാൻ പാടുപെടും.മാണിസാർ അങ്ങനെയാണ് ചലച്ചിത്രം കണ്ടാലും സങ്കടകരമായ രംഗങ്ങൾ വരുമ്പോൾ മാണിസാർ കരയും.മരണ വീട്ടിൽ മാണിസാർ അഭിനയിക്കയാണെന്നു എതിരാളികൾ പറയുമ്പോൾ മാണിസാർ ജീവിക്കയാണ് ചെയ്യുന്നത്.

മാണിസാറിന്റെ എതിരാളികൾ വീട്ടിൽ വരുമ്പോൾ വീട്ടിലെ ആൾക്കൂട്ടം കണ്ടു അമ്പരക്കാറുണ്ട്.പിന്നെങ്ങനാ ഞങ്ങടെ സ്ഥാനാർഥി തോക്കാതിരിക്കുന്നതു.അവർ ആത്മഗതം പറയുന്നു.ഒരിക്കൽ പത്രക്കാർ അദ്ദേഹത്തോട് ചോദിച്ചു ..ഇനിയെന്താണ് മാണിസാറിന്റെ ആഗ്രഹം ..അദ്ദേഹം മൊഴിഞ്ഞു ..ഈ കരിങ്ങോഴക്കൽ തറവാട്ടിൽ ഈ മീനച്ചിലാറിന്റെ തീരത്തു ഇങ്ങനെ തന്നെ കഴിയണം..അത്രയേ ഉള്ളൂ..

എന്നെന്നും കരിങ്ങോഴയ്ക്കൽ തറവാട്ടിൽ നിന്നും കാരുണ്യം മാത്രമേ ബഹിർഗമിച്ചിട്ടുള്ളൂ..അതിനു തുണയായി ഭാര്യ കുട്ടിയമ്മ ചേച്ചിയും കൂടെയുണ്ടാവാറുണ്ട്.കുഞ്ഞു മാണിച്ചാ എന്നാണ് ആരും കേൾക്കാതെ കുട്ടിയമ്മ ചേച്ചി വിളിച്ചിരുന്നത്.ചെറുപ്പക്കാർക്ക് പ്രത്യേകിച്ച് നവ ദമ്പതികൾക്ക് എന്നും മാതൃകയായിരുന്നു ഈ ദമ്പതികൾ.തമ്മിലുള്ള സ്നേഹവും ഐക്യവും..

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.